BELÉN SOLIDARIO

Comentábamos na anterior publicación que @s pioneir@s do grupo están preparando unha iniciativa en Área Central que consiste na realización dun Belén Solidario xunto coa Asociación Española de Coleccionistas de Playmobil. Todo o diñeiro recaudado irá destinado ao albergue Xoan XXIII para coidar á xente que alí se aloxan. Adxuntamos o cartel no que tedes máis información e esperámosvos alí para disfrutar desta maravillosa actividade!

WhatsApp Image 2018-12-02 at 15.01.09

Un saúdo e vémonos na seguinte publicación!

Advertisements

ACTIVIDADE 01/12/2018

Boas noites e benvid@s novamente a este espazo no que repasaremos os que fixeron os nosos rapaces no primeiro día deste novo mes que estreamos.

  • Como sempre, comezamos c@s máis pequen@s. Os lobecos adicaron todo o tempo da actividade a realizar unhas imaxinativas e orixinais postais navideñas, propias da gran festa do día 25 de decembro.
  • A continuación, os rangers estiveron realizando xogos que tiñan como obxectivo o coñecemento pola súa parte das leis do Escutismo.
  • Por último, xa que as rotas non puideron reunirse outra vez, @s pioneir@s do grupo estiveron planificando as actividades que están pendentes de realizar. Ambas levaranse a cabo en Área Central, e na primeira axudarán na realización dun Belén Solidario (máis información na seguinte publicación) e na segunda organizarán talleres de manualidades ao longo do recinto. Polo tanto, moito traballo para @s nos@s pioneir@s, pero non dubidamos da súa capacidade!

Antes de despedirnos, queremosvos lembrar que a próxima semana só ten actividade a póla de pioneiros e que do venres 14 ás 20:00 ata o domingo 16 ás 16:30, terá lugar a nosa acampada de navidade en San Francisco. Esperámosvos e vémonos na seguinte publicación!

ACTIVIDADE 24/11/18

Hola a tod@s e benvid@s novamente! Pasamos a contar o que fixeron os nosos rapaces na actividade do pasado sábado:

  • Primeiramente, @s lobec@s estiveron cubrindo fichas para o caderno de caza, como os seus datos persoais, a xente que forma parte da súa seisena ou as diferntes máximas e lei da manada. Ademais, explicáronlles que o caderno de caza vai ser empregado nas diferentes actividades que realicen, e polo tanto deben de lembrarse de levalo sempre.
  • Por outro lado, os rangers do grupo estiveron facendo un taller de cabullería, onde aprenderon cómo e en qué situacións realizar cada tipo de nó; como poden ser o ballestrinque ou o oito.
  • Por último, xa que as rotas esta semana non se reuniron, @s pioneir@s tomáronse un descanso despois de tantas semanas de organización e planificación de diferentes actividades e dividíronse por idades para xogar a xogos de mesa, como o Carcassone ou o Dungeon Roll.

Isto foi todo polo momento,e ímonos lembrando que a próxima semana repartiremos as inscripcións da acampada de Nadal que celebraremos no noso local de San Francisco os días 14,15 e 16 de Decembro. Un saúdo e ata a seguinte publicación!

ACTIVIDADE 17/11/2018

Boas a tod@s e benvid@s de novo! Pasamos a lembrar o que fixeron @s nos@s Scouts o pasado sábado:

  • As pólas dos lobecos e dos rangers tiveron unha actividade conxunta, na que, en primeira instancia, profundizaron no tema da reciclaxe recollendo diferentes tipos de basura e colocándoos no seu contedor correspondente. Posteriormente, xogaron todos xuntos ata o remate da actividade.
  • Os pioneiros do nos grupo estiveron planificando a súa colaboración para facer un Belén en Área Central o vindeiro mes de decembro, e ademais estiveron preparando os xogos que ían a realizar pola tarde cos nenos do programa 5+1, que consiste na reunión de nenos das parroquias de A Coruña e Santiago para realizar xogos e outras actividades de profundizaxe na fe cristiá.
  • Finalizando, as rotas do noso grupo tiveron unha reunión na que abordaron diferentes temas acerca do funcionamento da súa comunidade.

Despedímonos polo momento e seguirémosvos mantendo informados. Un saúdo e ata a seguinte publicación!

ACTIVIDADE CONXUNTA KHANHIWARA (10/11/2018)

Hola a tod@s e benvid@s de novo! O pasado sábado tivemos unha actividade moi especial: xuntámonos co outro grupo de MSC de Santiago, o grupo Scout Khanhiwara e pasamos todo o día xuntos no centro xuvenil Don Bosco onde gozamos de diferentes actividades, para rematar cun Magosto xunto c@s nen@s de Cáritas de Santiago.

O día organizouse da seguinte maneira:

  • Pola mañá (dende as 11:30 ata as 14:00 aprox.) distribuímonos por ramas, para realizar diferentes actividades, co fin de coñecerenos mellor e establecer relacións coa xente de Khanhiwara.
  • Ás 14:00 xantamos todos xuntos no teatro, compartindo historias e bo rollo entre tod@s.
  • A primeira parte da tarde estivo adicada á gran actividade do día: unha “kermés” (xogo de probas) estilo “feira americana”, na que por grupos mixtos de ambos grupos e de diferentes idades tiveron que poñer en práctica todos os seus esforzos para poder resolver e superar todas as probas ás que se enfrontaron.
  • Para asegunda parte da tarde, contamos coa axuda de Cáritas de Santiago e Cruz Vermella; que animounos coas súas cancións, así como as actividades que se fixeron despois segundo os diferentes grupos de idade.
  • Por último, compartimos todos xuntos un magosto para celebrar o gran día que pasamos co grupo Khanhiwara, e esperando volver a disfrutar doutras experiencias con eles proximamente.

Adxuntamos varias fotos do día e esperámosvos na seguinte publicación! Boa caza!

ACTIVIDADE 03/11/2018

Benvid@s a tod@s de novo! Nesta publicación amosarémosvos o que fixeron os nosos rapaces na actividade do pasado sábado:

  • Os lobecos tiveron unha actividade temática propia da festa do Samaín, na que se adentraban no mundo dos mortos (o Outromundo) para despois saír do mesmo realizando unha serie de rituais propios desta celebración (lembrar os ancestros ou “apple bogging”, por exemplo). Ademais, aprenderon outros costumes e tradicións relacionadas con esta festa que aínda perduran nos nosos días.

 

  • A continuación, os rangers decidiron manter a patrulla do ano pasado “Os camaleóns” e procederon ao reparto de cargos indispensable para o bo funcionamiento da rama. Por último, adicaron os últimos minutos para xogar todos xuntos despois de realizar tanto traballo.

 

  • Por último (xa que as rotas non tiveron reunión), os pioneiros do grupo fixeron, coma no caso dos rangers, o reparto de cargos dentro de ambos equipos (“Fernando Romay” e “Carmen Avendaño”) e despois estiveron decidindo as empresas que ían realizar neste trimestre, que son as actividades propias desta rama.

 

Por último e antes de despedirnos, queríamosvos lembrar que a próxima semana teremos a actividade conxunta co grupo Scout Khanhiwara, na que xogaremos con eles pola mañá e pola tarde celebraremos o magosto todos xuntos.

Boa caza e ata a seguinte publicación!

MARCHA POLA PAZ FRANCISCANA

Benvidos a todos de novo, nesta publicación comentarémosvos a actividade que tivemos o pasado sábado, que foi a Marcha pola Paz que realizamos os Scouts xunto coas nosas familias e coas comunidades franciscanas de Santiago,Coruña,Vigo e Ponteareas.

A actividade comezou ás 11.00 no monumento adicado aos peregrinos no Monte do Gozo, e consisitiu en primeira instancia nunha caminata, coordinada polos pioneiros e responsables do noso grupo, ademais de contar coa axuda de protección Civil,que reamtaba na Praza do Obradoiro. Unha vez alí, fumos todos cara a nosa parroquia na que tivemos un momento de oración todos xuntos antes de xantar.

Unha vez repostas as nosas forzas, puxémosnos en marcha para ir celebrar a misa na Igrexa de Santa Clara, onde primeiro tivemos un encontro coas monxas que están alí vivindo no que nos contaron as súas experiencias, ademais de responder ás nosas preguntas. Posteriormente, tivemos a celebración da eucaristía e unha vez finalizada, cada un volveu á súa casa levando consigo unha gran experiencia que esperamos poder a contar e vivir o ano que vén.

Vémonos na seguinte publicación!

ACTIVIDADE 20/10/2018

Benvid@s de novo! Pasamos a comentar o que fixeron os nosos rapaces este pasado sábado:

  • Os lobecos comezaron a deseñar o seu novo caderno de caza, no que irán apuntando todo o relativo ás actividades que realicen, así como nocións básicas sobre os Scouts e a súa historia ou do propio funcionamiento dos lobecos. Despois de rematar as súas portadas, xogamos todos xuntos ao aforcado con temática scout.
  • Por outro lado, os rangers e pioneiros estiveron montando e desmontando as tendas co fin de analizar as posibles roturas e defectos que estas puideran ter, así como para saber como montalas da mellor maneira posible.Nestas dúas actividades, as rotas estiveron axudando aos responsables encargados e depsois tiveron un momento de reunión.
  • A outra actividade principal deste día foi a reunión de pais de inicio de xeira, na que lles comentamos todas as novidades do grupo, así como os obxectivos a cumprir nesta xeira e tamén pedímoslles a súa opinión respecto a diversas actividades e cuestións relacionadas co grupo. Cabe destacar que houbo moita participación, e ó final tivemos un momento de oración conxunto cos pai e para rematar cantamos o noso himno.

Vémonos o próximo día na marcha pola paz á que estades tod@s convidad@s, ás 11.00 no Monte do Gozo. Un saúdo e manterémosvos informados!

 

ACTIVIDADE 13/10/18

Ola a tod@s de novo, o pasado sábado os nosos rapaces fixeron actividades por rama que describiremos a continuación:

  • Os nosos lobecos repasaron as normas e decidiron deixalas por escrito en ambos idiomas para facer que a manada funcione da mellor maneira posible. Unha vez rematado isto e despois de revisar o da boa xogada, xogamos todos xuntos a nada.
  • Os rangers estiveron facendo un repaso das súas normas, así como a presentación dos novos e por último, adicáronse a comentar as actividades que ían realizar neste primeiro trimestre.
  • Por último (xa que as rotas este finde non tiveron reunión), os pioneiros do grupo estiveron formando os seus equipos de traballo para este ano. Neles, mesturaron pioneiros de primeiro e segundo ano, e lles puxeron os seguintes nomes: “Fernando Romay”(mantendo o nome xa creado) e “Carmen Avendaño”, dúas persoas que cumpren perfectamente os 3 piares do escutismo: fe,país e compromiso. Por último, coma no caso dos rangers, estiveron repasando as actividades que van realizar no trimestre.

A modo de despedida, neste día tivemos a sorte de recibir a Eva, a nosa responsable de rangers da xeira pasada, coa que pasamos un momento moi agradable. WhatsApp Image 2018-10-13 at 22.48.26

E por concluír e sen máis dilación, despedímonos polo momento e vémonos na reunión de pais deste sábado no horario da actividade. Agardámosvos!

INICIO DA XEIRA 2018/19!

Ola a tod@s! O blog do grupo Scout Tau volve con máis forza que nunca e con enerxías renovadas. Nesta xeira, iremos publicando todo o relativo á vida do noso grupo: actividades,reflexións,evaluacións e outros contidos de tal forma que vos enteraredes de todo o que realizamos.

Nesta liña, o pasado sábado tivemos a nosa primeira actividade da xeira, na que contamos cun regalo por parte das nosas rotas que visitaron Asís: unha TAU esculpida en madeira propia de alí e na que posteriormente todo o grupo participou nunha batería de xogos, na que tod@s o pasamos xenial, a cal estivo organizada polas rotas: nela, non faltaron xogos clásicos do grupo como faros e barcos e outros novos, como o do psicólogo ou  pasar tod@s por enriba dunha corda de forma cooperativa.

 

43320988_1887826874631866_796735984099131392_n (4)
Mostra do regalo a todo o grupo

 

43263237_1887827254631828_7244798174022336512_n (1)
Entrega do regalo por parte das Rotas

 

43263229_1887826671298553_7128776702037065728_n
Xogo de pasar a corda
43275561_1887827107965176_7483955121433346048_n (1)
Xogo do psicólogo

 

 

 

 

 

 

 

 

Estade atentos e vémonos na seguinte publicación!