O Grupo Scout Tau fai as súas actividades no Centro Socio-Cultural Xoán XXIII, do que se encargan os frades Franciscanos (OFM) de Santiago de Compostela. A súa entrada está na Rúa dos Castiñeiros, na costa á beira da Igrexa Conventual de San Francisco. Nas instalacións do Centro temos os espazos de patrulla de cada un dos pequenos grupos que constitúen as diferentes unidades. Tamén temos unha sala para as festas, unha sala para proxeccións e un espazo ao aire libre para xogar… e unha enorme horta onde podemos estar en contacto coa natureza. Na entrada do centro, que nos domingos tamén acolle áa catequese de San Francisco, recíbenos a imágen do ” Santiño dás Pombas” (San Francisco de Asís), pai da Orde Franciscana e patrón dos Lobecos. No noso grupo, os valores de San Francisco, como poden ser a súa humildade, sinxeleza e amor pola natureza están sempre presentes nas nosas actividades.
Grupo Scout Tau 